Sığorta sahəsində keçirilmiş attestasiyanın nəticələri barədə

13-01-2023

2023-cü il; Bakı – 12 yanvar 2023-cü il tarixində Azərbaycan Respublikasının Mərkəzi Bankında aktuari şəhadətnaməsi almaq üçün “Sığorta qanunvericiliyi və sığorta sektoru üzrə Mərkəzi Banka təqdim edilən hesabatlar” mövzusu üzrə attestasiya keçirilmişdir.

Nəticələrə əsasən attestasiyada iştirak edən Sadayev Tural Hayan oğlu keçid balını toplayaraq attestasiyanı müvəffəqiyyətlə başa vurub.

Qeyd edək ki, “Sığorta sahəsində attestasiyanın təşkili və keçirilməsi” Qaydasının 5.5-ci bəndinə əsasən attestasiyada iştirak edən şəxs müvafiq mövzu üzrə 60 balı topladıqda attestasiyadan keçmiş hesab olunur.