Təkliflərin cəlb edilməsi barədə elan

13-09-2024

1. Azərbaycan Respublikasının Mərkəzi Bankı “Dövlət satınalmaları haqqında” Azərbaycan Respublikasının Qanununa uyğun olaraq “Mənfəət və ya zərər və sair məcmu gəlir haqqında hesabatı”nın maddələrinin realizasiya olunmuş və reallaşdırılmamış hissələrə bölgüsünün təmin edilməsi ilə bağlı metodologiyanın hazırlanması xidmətinin satın alınmasına dair açıq tender keçirir.

2. Təkliflərin açılma proseduru 07 oktyabr 2024-cü il tarixində saat 17:00-da dövlət satınalmalarının vahid internet portalında (https://etender.gov.az/) (bundan sonra – Portal) keçiriləcək.

3. Maraqlı təchizatçılar satınalmada iştirak etmək üçün qanunvericiliyə uyğun olaraq müəyyən edilmiş 250 (iki yüz əlli) manat məbləğində iştirak haqqını Portal vasitəsilə ödəməklə açıq tenderin şərtlər toplusunu əldə edə bilərlər.

İştirak haqqı satınalmanın ləğv edildiyi və həmin satınalma predmetləri üzrə təkrar satınalma keçirilmədiyi təqdirdə təchizatçıların müraciətinə əsasən geri qaytarılır.

4. Açıq tenderdə iştirak etmək üçün təchizatçılar təkliflərini tələb olunan sənədləri əlavə edərək 07 oktyabr 2024-cü il saat 17:00-a qədər Portal vasitəsilə təqdim etməlidirlər.

5. Satınalmaya başlanma vaxtı: satınalma müqaviləsi imzalandığı gündən.

6. Xidmətin göstərilməsi müddəti: 2 (iki) ay müddətində.

7. Qiymətləndirmə meyarı: qiymət amili.

8. Təchizatçılar tərəfindən satınalma ilə bağlı bütün sorğular və onlara dair izahatlar yalnız Portal vasitəsilə verilir.

Satınalma prosedurunun hər bir iştirakçısı onun təklifinin açılmasını və qiymətləndirilməsini Portal vasitəsilə müşahidə edə bilər.

Açıq tender üzrə əlaqələndirici şəxs:

Şəhriyar Azər oğlu İmanov

Vəzifəsi: Böyük mütəxəssis

Shahriyar_Imanov@cbar.az