Yeni nəsil milli pul nişanlarının konsepsiya mövzusuna dair sorğu | Sorğular

Sorğular

Sorğu ilə bağlı ümumi məlumat:

Mərkəzi Bank yeni nəsil milli pul nişanlarının konsepsiya mövzusunu və nominallar üzrə alt mövzuları müəyyənləşdirmək üçün ictimai sorğu keçirir. Mərkəzi Bank bu sorğu vasitəsilə milli dəyərlərimizi, tarixi və mədəni irsimizi özündə daşıyan pul nişanlarının yenilənməsini həyata keçirməklə yanaşı, həm də onların müasir milli prioritetlərə və çağırışlara uyğunluğunu təmin etməyi hədəfləyir.

Onlayn surətdə keçirilən sorğuda iştirak edən vətəndaşlar mövzular üzrə təkliflərini Mərkəzi Bankla bölüşmək imkanı əldə edir. Mövzular üzrə təkliflərin ölkəmizin gələcəyə baxışını, tarixini və strateji hədəflərini cəmləyərək milli mənsubiyyətimizi əks etdirəcəyi gözlənilir.

Beynəlxalq təcrübədə hər 10-15 ildən bir pul nişanlarının yenilənməsi, o cümlədən yeni nəsil milli pul nişanlarının yaradılması həyata keçirilən bir təcrübədir. Bu zaman dövrün tələblərinin, cəmiyyətin gələcək inkişaf strategiyasının, yeni iqtisadi və siyasi reallıqlardan meydana gələn çağırışların cəmiyyətə çatdırılması kimi mühüm faktorlar nəzərə alınır.

Torpaqlarımızın işğaldan azad olunaraq Azərbaycanın ərazi bütövlüyünün bərpa edilməsi ölkəmizin regionda və dünyada siyasi-iqtisadi səviyyədə yeni bir müstəviyə qədəm qoymasını şərtləndirib. Bu da öz növbəsində əsas dövlətçilik atributlarından olan milli pul nişanlarımızın yeni dövrə və çağırışlara uyğunlaşdırılması məsələsini gündəmə gətirib.

Xatırladaq ki, Azərbaycanın hazırda tədavüldə olan milli pul nişanları – Manat ”Müstəqil Azərbaycan” konsepsiya mövzusuna həsr olunmaqla 2006-cı ildə dövriyyəyə buraxılıb. Bu konsepsiya çərçivəsində pul nişanlarımızın hər bir nominalı ayrı-ayrılıqda alt mövzulara həsr edilib. 2018-ci ildə isə Mərkəzi Bank tərəfindən “Müstəqil Azərbaycan” konsepsiyası çərçivəsində 200 manat nominallı kağız pul nişanı tədavülə buraxılıb (geniş məlumat üçün https://www.cbar.az/moneymarks/banknotes?category=1).

Beləliklə, yeni nəsil milli pul nişanlarının konsepsiyası mövzusuna dair sorğuda iştirak etmək üçün «Başla» düyməsini sıxaraq anketin onlayn şəkildə doldurulması tələb olunur. Sorğunun doldurulması prosesi cari ilin 01 oktyabr tarixinədək davam edəcəkdir.

Vətəndaşları bu sorğuda iştirak edərək təkliflərini Mərkəzi Bankla bölüşməyə, bununla da tarixi və mədəni irsimizin təbliğinə töhfə verməyə dəvət edirik.

Yeni nəsil milli pul nişanlarının konsepsiya mövzusuna dair sorğu

* Ulduzlu olan xanalar mütləq doldurulmalıdır

Sorğuda iştirak edən şəxs barədə məlumat

Ad/Soyad/Ata Adı *

Əlaqə nömrəsi *

Elektron poçt ünvanı (e-mail) *

Suallar

Sual 1. Yeni nəsil milli pul nişanları bütövlükdə hansı mövzuya həsr olunmalıdır? *

Sual 2. 1 manatlıq pul nişanı üzrə təklif olunan mövzu adı: *

Sual 3. 5 manatlıq pul nişanı üzrə təklif olunan mövzu adı: *

Sual 4. 10 manatlıq pul nişanı üzrə təklif olunan mövzu adı: *

Sual 5. 20 manatlıq pul nişanı üzrə təklif olunan mövzu adı: *

Sual 6. 50 manatlıq pul nişanı üzrə təklif olunan mövzu adı: *

Sual 7. 100 manatlıq pul nişanı üzrə təklif olunan mövzu adı: *

Sual 8. 200 manatlıq pul nişanı üzrə təklif olunan mövzu adı: *

9. Metal pul nişanlarının alt mövzuları kağız pul nişanlarından fərqli olmalıdırmı? *

Bəli

Xeyr

Sual 10. 1 qəpiklik metal pul nişanı üzrə təklif olunan mövzu adı:

Sual 11. 3 qəpiklik metal pul nişanı üzrə təklif olunan mövzu adı:

Sual 12. 5 qəpiklik metal pul nişanı üzrə təklif olunan mövzu adı:

Sual 13. 10 qəpiklik metal pul nişanı üzrə təklif olunan mövzu adı:

Sual 14. 20 qəpiklik metal pul nişanı üzrə təklif olunan mövzu adı:

Sual 15. 50 qəpiklik metal pul nişanı üzrə təklif olunan mövzu adı:

Müəlliflik hüquqları *

Mən, Azərbaycanın yeni nəsil pul nişanları konsepsiyasının mövzusu ilə əlaqədar Mərkəzi Banka təqdim etdiyim təkliflərə dair aşağıdakıları bildirir və qəbul edirəm:

- sorğu vasitəsi ilə respondentlərin təqdim etdiyi fikir və təkliflər müəlliflik hüququnun obyekti deyildir

- təkliflər digər şəxslərin müəlliflik hüququ və əlaqəli hüquqları pozulmadan təqdim edilmişdir.

Digər şəxslərin belə hüquqlarının pozulması ilə əlaqədar Mərkəzi Banka qarşı irəli sürüləcək tələblərə görə mən qanunvericilikdə nəzərdə tutulan məsuliyyəti daşıyıram.

Razıyam