Tender elanı

11-03-2022

1. Azərbaycan Respublikasının Mərkəzi Bankı “Dövlət satınalmaları haqqında” Azərbaycan Respublikasının Qanununa uyğun olaraq aşağıda qeyd olunan tender predmetləri üzrə açıq tender üsulu ilə elektron satınalma keçirir:

Lot 1: Azərbaycan Respublikasının Mərkəzi Bankı üçün kompüter, printer, şəbəkə və digər ofis avadanlıqlarının satın alınması;

Lot 2: Azərbaycan Respublikası Mərkəzi Bankında istifadə olunan standart proqram təminatları üzrə lisenziyaların satın alınması;

Lot 3: Azərbaycan Respublikası Mərkəzi Bankında istifadə olunan printer və surətçıxaran aparatlar üçün kartriclərin və toner tozunun satın alınması;

Lot 4: Azərbaycan Respublikası Mərkəzi Bankında istifadə olunan server, kompüter və rabitə avadanlıqları üçün ehtiyat hissələrinin satın alınması;

Lot 5: Azərbaycan Respublikası Mərkəzi Bankında istismarda olan Menecment informasiya sisteminin funksional imkanlarının genişləndirilməsi və dəstəklənməsi üzrə xidmətin satın alınması;

Lot 6: Azərbaycan Respublikası Mərkəzi Bankında istismarda olan Elektron xidmətlər portalının proqram platformasının dəstəklənməsi üzrə xidmətin satın alınması.

2. Tender proseduru 18 aprel 2022-ci il tarixində saat 15:00-da dövlət satınalmalarının vahid internet portalında (https://etender.gov.az/) (bundan sonra – Portal) keçiriləcəkdir.

3. Tenderdə yalnız “Dövlət satınalmaları haqqında” Azərbaycan Respublikası Qanununa uyğun olaraq elektron satınalmalarda iştirakına yol verilən sahibkarlıq subyektləri iştirak edə bilərlər.

4. Maraqlı şəxslər tenderdə iştirak etmək üçün Azərbaycan Respublikası Nazirlər Kabinetinin 2021-ci il 20 dekabr tarixli 396 nömrəli Qərarı ilə təsdiq edilmiş “Açıq tender və ya kotirovka sorğusu üsulunu tətbiq etməklə elektron satınalma vasitəsilə keçirilən satınalmalarda iştirak haqqının məbləği, ödənilməsi və ondan istifadə Qaydası”na müvafiq olaraq müəyyən edilmiş aşağıdakı məbləğlərdə iştirak haqqlarını Portal vasitəsilə ödəməklə Əsas şərtlər toplusunu əldə edə bilərlər:

Lot 1: 450 manat;

Lot 2: 450 manat;

Lot 3: 150 manat;

Lot 4: 350 manat;

Lot 5: 450 manat;

Lot 6: 450 manat.

İştirak haqqı heç bir halda geri qaytarılmır.

5. Tenderdə iştirak etmək üçün iddiaçılar Portal vasitəsilə aşağıdakı sənədləri təqdim etməlidirlər:

- iddiaçının tam adı, nizamnaməsi, dövlət qeydiyyatı haqqında şəhadətnamə və ya hüquqi şəxslərin dövlət reyestrindən çıxarış, bank rekvizitləri;

- tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;

- iddiaçının sahibkarlıq subyektlərinin hansı bölgü kateqoriyasına aid olmasına dair məlumat;

- iddiaçının son 1 (bir) ildəki maliyyə vəziyyəti barədə bank arayışı;

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin, habelə son 1 (bir) il ərzində (fəaliyyətini dayandırdığı müddət nəzərə alınmadan) Azərbaycan Respublikasının Vergi Məcəlləsi ilə müəyyən edilmiş vəzifələrin yerinə yetirilməməsi hallarının mövcud olmaması haqqında müvafıq dövlət orqanından arayış;

- dəstəklənmə xidmətlərinin göstərilməsi ilə bağlı müvafiq sahə üzrə ən azı 2 (iki) sertifikatlaşdırılmış mütəxəssisin olmasını təsdiq edən sənədlərin surəti (5-6-cı lotlar üzrə);

- Azərbaycan dilində tender təklifi (tender təklifi 03 iyun 2022-ci il tarixinədək qüvvədə olmalıdır);

- tender təklifinin qiymətinin 1 (bir) % məbləğində bank təminatı (tenderin Əsas şərtlər toplusuna əlavə edilən bank qarantiyası formasında);

- iddiaçının müvafiq tender predmeti üzrə ən azı 2 (iki) illik iş təcrübəsini əks etdirən məlumatlar (korporativ müştərilərin adı, ünvanı, əlaqə telefonu);

- satınalma prosedurunun başlanmasından əvvəlki 5 (beş) il ərzində iddiaçının özünün, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə məlumat;

- iddiaçının müflis elan olunmaması, əmlakı üzərində həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyətinin dayandırılmaması barədə məlumat.

6. İddiaçılar tender təklifini və tender təklifinin bank təminatını 15 aprel 2022-ci il saat 18.00-a qədər, digər tələb olunan sənədləri isə ən geci 07 aprel 2022-ci il saat 15.00-a qədər Portal vasitəsilə təqdim edə bilərlər.

7. Satınalmaya başlanma vaxtı:

Lot 1, Lot 2, Lot 3 və Lot 4: satınalma müqaviləsi imzalandığı gündən;

Lot 5 və Lot 6: 26.05.2022-ci il tarixindən.

8. Malların təqdim edilməsi və xidmətlərin göstərilməsi (işlərin görülməsi) müddəti:

Lot 1: satınalma müqaviləsi imzalandığı gündən etibarən 90 (doxsan) iş günü müddətində;

Lot 2: satınalma müqaviləsi imzalandığı gündən etibarən 45 (qırx beş) iş günü müddətində;

Lot 3 və Lot 4: satınalma müqaviləsi imzalandığı gündən etibarən Sifarişçinin tələbata uyğun sifarişi əsasında 1 (bir) il müddətində;

Lot 5 və Lot 6: dəstəkləmə üzrə xidmətin göstərilməsinə başlama tarixindən 1 (bir) il müddətində.

9. Qiymətləndirmə meyarları:

Lot 1: qiymət və texniki amillər (zəmanət müddəti və malların çatdırılma müddəti);

Lot 2, Lot 5 və Lot 6: qiymət amili;

Lot 3: qiymət və malların çatdırılma müddəti;

Lot 4: qiymət və zəmanət müddəti.

10. İddiaçılar tərəfindən tenderlə bağlı bütün sorğular və onlara dair izahatlar yalnız Portal vasitəsilə verilir.

Tender prosedurunun hər bir iştirakçısı onun təklifinin açılmasını və qiymətləndirilməsini Portal vasitəsilə müşahidə edə bilər.

Tender komissiyası

Siyahıya qayıtmaq