Tender elanı

14-02-2023

1. Azərbaycan Respublikasının Mərkəzi Bankı “Dövlət satınalmaları haqqında” Azərbaycan Respublikasının Qanununa uyğun olaraq aşağıdakı satınalma predmetləri üzrə açıq tender üsulu ilə elektron satınalma keçirir:

Satınalma predmeti 1: Azərbaycan Respublikası Mərkəzi Bankı üçün dəftərxana mallarının satın alınması;

Satınalma predmeti 2: Azərbaycan Respublikası Mərkəzi Bankı üçün təsərrüfat mallarının satın alınması;

Satınalma predmeti 3: Azərbaycan Respublikasının Mərkəzi Bankında istifadə olunan server, kompüter və rabitə avadanlıqları üçün ehtiyat hissələrinin satın alınması;

Satınalma predmeti 4: Azərbaycan Respublikasının Mərkəzi Bankı üçün kompyuter, printer, şəbəkə və ofis avadanlıqlarının satın alınması.

2. Tender proseduru 17 mart 2023-cü il tarixində saat 15:00-da Dövlət satınalmalarının vahid internet portalında (https://etender.gov.az) (bundan sonra – Portal) keçiriləcəkdir.

3. Tenderdə yalnız “Dövlət satınalmaları haqqında” Azərbaycan Respublikası Qanununa uyğun olaraq elektron satınalmalarda iştirakına yol verilən sahibkarlıq subyektləri iştirak edə bilərlər.

4. Maraqlı şəxslər tenderdə iştirak etmək üçün Azərbaycan Respublikası Nazirlər Kabinetinin 2021-ci il 20 dekabr tarixli 396 nömrəli Qərarı ilə təsdiq edilmiş “Açıq tender və ya kotirovka sorğusu üsulunu tətbiq etməklə elektron satınalma vasitəsilə keçirilən satınalmalarda iştirak haqqının məbləği, ödənilməsi və ondan istifadə Qaydası”na müvafiq olaraq müəyyən edilmiş aşağıdakı məbləğlərdə iştirak haqqlarını Portal vasitəsilə ödəməklə tenderin Əsas şərtlər toplusunu əldə edə bilərlər:

Satınalma predmeti 1: 150 (bir yüz əlli) manat;

Satınalma predmeti 2: 250 (iki yüz əlli) manat;

Satınalma predmeti 3: 250 (iki yüz əlli) manat;

Satınalma predmeti 4: 450 (dörd yüz əlli) manat.

İştirak haqqı heç bir halda geri qaytarılmır.

5. Tenderdə iştirak etmək üçün iddiaçılar Portal vasitəsilə aşağıdakı sənədləri təqdim etməlidirlər:

- İddiaçının tam adı, nizamnaməsi, dövlət qeydiyyatı haqqında şəhadətnamə və ya hüquqi şəxslərin dövlət reyestrindən çıxarış, bank rekvizitləri;

- Tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;

- İddiaçının sahibkarlıq subyektlərinin hansı bölgü kateqoriyasına aid olmasına dair müvafiq dövlət orqanından arayış;

- Azərbaycan dilində tender təklifi (tender təklifi 17 mart 2023-ci il tarixindən azı 30 (otuz) bank günü müddətində qüvvədə olmalıdır);

- Tender təklifinin qiymətinin 1 (bir) faizi məbləğində bank təminatı (tenderin əsas şərtlər toplusuna əlavə edilən bank qarantiyası formasında);

- İddiaçının son 1 (bir) ildəki maliyyə vəziyyəti barədə bank arayışı;

- Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin, habelə son 1 (bir) il ərzində (fəaliyyətini dayandırdığı müddət nəzərə alınmadan) Azərbaycan Respublikasının Vergi Məcəlləsi ilə müəyyən edilmiş vəzifələrin yerinə yetirilməməsi hallarının mövcud olmaması haqqında müvafıq dövlət orqanından arayış;

- Satınalma prosedurunun başlanmasından əvvəlki 5 (beş) il ərzində iddiaçının özünün, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə müvafiq dövlət orqanından arayış;

- İddiaçının müflis elan olunmaması, əmlakı üzərində həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyətinin dayandırılmaması barədə müvafiq dövlət orqanından arayış;

- İddiaçının müvafiq sahə üzrə son 2 (iki) illik iş təcrübəsini əks etdirən məlumatlar (korporativ müştərilərin adı, ünvanı, əlaqə telefonu) (bütün satınalma predmetləri üzrə);

- İddiaçını tərəfindən təklif ediləcək təmizlik malları üzrə gigiyenik və uyğunluq sertifikatlarının surətləri (satınalma predmeti 2 üzrə);

- İddiaçının təklif olunan malların satılmasına müvəkkil edildiyini təsdiq edən Avtorizasiya forması (Manufacturer Authorization Form) (satınalma predmeti 4 üzrə).

6. İddiaçılar hər bir tender üzrə tender təklifini və tender təklifinin bank qarantiyasını ən geci 16 mart 2023-cü il saat 18:00-a qədər, digər tələb olunan sənədləri isə ən geci 07 mart 2023-cü il saat 15:00-a qədər Portal vasitəsilə təqdim edə bilərlər.

7. Satınalmaya başlanma vaxtı:

Bütün satınalma predmetləri üzrə: satınalma müqaviləsi imzalandığı tarixndən.

8. Malların təqdim edilməsi və xidmətlərin göstərilməsi (işlərin görülməsi) müddəti:

Satınalma predmeti 1, 2 və 3 üzrə: 1 (bir) il müddətində;

Satınalma predmeti 4: 90 (doxsan) bank günü müddətində.

9. Qiymətləndirmə meyarları:

Satınalma predmeti 1 və 2 üzrə: qiymət amili;

Satınalma predmeti 3: qiymət və zəmanət müddəti;

Satınalma predmeti 4: qiymət, zəmanət və malların çatdırılması müddəti.

İddiaçılar tərəfindən tenderlə bağlı bütün sorğular və onlara dair izahatlar yalnız Portal vasitəsilə verilir.

Tender prosedurunun hər bir iştirakçısı onun təklifinin açılmasını və qiymətləndirilməsini Portal vasitəsilə müşahidə edə bilər.

Satınalmalar komissiyasıi

Siyahıya qayıtmaq