Effektiv idarəetmə və makroiqtisadi göstəricilər üzrə işçi qrupunun növbəti iclası keçirilmişdir

11-04-2023

07 aprel 2023-cü il tarixində saat 10:00-da Biznes mühiti və beynəlxalq reytinqlər üzrə Komissiyanın Effektiv idarəetmə və makroiqtisadi göstəricilər işçi qrupunun növbəti iclası keçirilmişdir.

“Webex” platforması üzərindən həyata keçirilən iclasda Azərbaycan Respublikası Mərkəzi Bankının, İqtisadiyyat Nazirliyinin, Maliyyə Nazirliyinin, Dövlət Neft Fondunun, Dövlət Statistika Komitəsinin, Ekologiya və Təbii Sərvətlər Nazirliyinin, Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin həmçinin İqtisadi Təşəbbüslərə Yardım İctimai Birliyinin,  Avrasiya Hasilat Sənayesi Bilik Mərkəzinin, Spektr Sosial-İqtisadi Araşdırma və İnkişaf Mərkəzinin və “Ekvita” şirkətinin təmsilçiləri iştirak etmişlər. İclasda işçi qrupunun 2022-ci ildə gördüyü işlər müzakirə edilmişdir. Büdcə şəffaflığının təmin edilməsi, dövlət tənzimlənməsinin keyfiyyətinin artırılması, habelə monetar azadlıq indikatoru üzrə görülmüş işlərlə  bağlı məsələlər iclasda əsas müzakirə mövzusu olmuşdur.

Qarşılıqlı müzakirə formatında aparılan iclasın yekununda görüş iştirakçılarının sualları cavablandırılmışdır.