Tender elanı

25-07-2023

1. Azərbaycan Respublikasının Mərkəzi Bankı “Dövlət satınalmaları haqqında” Azərbaycan Respublikasının Qanununa uyğun olaraq Azərbaycan Respublikası Mərkəzi Bankının inzibati binalarında istismar olunan elektrik avadanlıqlarına texniki xidmətinin satın alınması üzrə açıq tender üsulu ilə elektron satınalma keçirir.
2. Tender proseduru 25 avqust 2023-cü il tarixində saat 15:00-da dövlət satınalmalarının vahid internet portalında (https://etender.gov.az/) (bundan sonra – Portal) keçiriləcək.
3. Tenderdə yalnız “Dövlət satınalmaları haqqında” Azərbaycan Respublikası Qanununa uyğun olaraq elektron satınalmalarda iştirakına yol verilən sahibkarlıq subyektləri iştirak edə bilərlər.
4. Maraqlı şəxslər tenderdə iştirak etmək üçün Azərbaycan Respublikası Nazirlər Kabinetinin 2021-ci il 20 dekabr tarixli 396 nömrəli Qərarı ilə təsdiq edilmiş “Açıq tender və ya kotirovka sorğusu üsulunu tətbiq etməklə elektron satınalma vasitəsilə keçirilən satınalmalarda iştirak haqqının məbləği, ödənilməsi və ondan istifadə Qaydası”na müvafiq olaraq müəyyən edilmiş 150 (yüz əlli) manat məbləğində iştirak haqqını Portal vasitəsilə ödəməklə Əsas şərtlər toplusunu əldə edə bilərlər.

İştirak haqqı heç bir halda geri qaytarılmır.

5. Tenderdə iştirak etmək üçün iddiaçılar Portal vasitəsilə aşağıdakı sənədləri təqdim etməlidirlər:

• iddiaçının tam adı, nizamnaməsi, dövlət qeydiyyatı haqqında şəhadətnamə və ya hüquqi şəxslərin dövlət reyestrindən çıxarış, bank rekvizitləri;
• tender təklifini və satınalma müqaviləsini imzalamaq səlahiyyətinə malik olan şəxsin səlahiyyətlərini təsdiq edən sənəd;
• iddiaçının sahibkarlıq subyektlərinin hansı bölgü kateqoriyasına aid olmasına dair arayış;
• iddiaçının son 1 (bir) ildəki maliyyə vəziyyəti barədə bank arayışı;
• Azərbaycan Respublikasında vergilərə və digər icbari ödənişlərə dair yerinə yetirilməsi vaxtı keçmiş öhdəliklərin, habelə son 1 (bir) il ərzində (fəaliyyətini dayandırdığı müddət nəzərə alınmadan) Azərbaycan Respublikasının Vergi Məcəlləsi ilə müəyyən edilmiş vəzifələrin yerinə yetirilməməsi hallarının mövcud olmaması haqqında müvafıq dövlət orqanından arayış;
• Azərbaycan dilində tender təklifi (tender təklifi 25 avqust 2023-ci il tarixindən azı 30 (otuz) bank günü müddətində qüvvədə olmalıdır);
• tender təklifinin qiymətinin 1 (bir) % məbləğində bank təminatı (tenderin Əsas şərtlər toplusuna əlavə edilən bank qarantiyası formasında);
• Satınalma prosedurunun başlanmasından əvvəlki 5 (beş) il ərzində iddiaçının özünün, habelə işlərini idarə edənlərin, qulluqçularının peşəkar fəaliyyətləri, yaxud satınalma müqaviləsinin bağlanması üçün ixtisas göstəricilərini yanlış göstərmələri ilə əlaqədar cinayətə görə məhkum olunmaması, yaxud onların müvafiq peşə fəaliyyətləri ilə məşğul olmasının məhkəmə qaydasında qadağan edilməməsi barədə müvafiq dövlət orqanından arayış;
• İddiaçının müflis elan olunmaması, əmlakı üzərində həbs qoyulmaması, ödənişə yönəlmiş girovun olmaması, məhkəmənin qərarı ilə kommersiya fəaliyyətinin dayandırılmaması barədə müvafiq dövlət orqanından arayış;
• İddiaçının satınalma predmeti üzrə iş təcrübəsi və əsas korporativ müştəriləri barədə məlumatlar. Son 2 (iki) il ərzində xidmət göstərilən müştərilərin adları və əlaqə məlumatları;
• İddiaçının “0,4 – 35 kV gərginlikli elektrik avadanlıqları və onların quraşdırılması” və ya satınalma predmeti üzrə texniki xidmətin göstərilməsi sahəsində ən azı 3 (üç) əməkdaşın aldığı sertifikatın surəti;
• İddiaçının elektrik mühəndisi və montyoru olan əməkdaşlarının peşələrini təsdiq edən təhsil sənədlərinin surəti.

6. İddiaçılar tender təklifini və tender təklifinin bank təminatını 24 avqust 2023-cü il saat 18:00-a qədər, digər tələb olunan sənədləri isə ən geci 16 avqust 2023-cü il saat 15:00-a qədər Portal vasitəsilə təqdim edə bilərlər.
7. Satınalmaya başlanma vaxtı: satınalma müqaviləsi imzalandığı gündən.
8. Xidmətin göstərilməsi müddəti: 1 (bir) il müddətində.
9. Qiymətləndirmə meyarı: qiymət amili.
10. İddiaçılar tərəfindən tenderlə bağlı bütün sorğular və onlara dair izahatlar yalnız Portal vasitəsilə verilir.

     Tender prosedurunun hər bir iştirakçısı onun təklifinin açılmasını və qiymətləndirilməsini   Portal vasitəsilə müşahidə edə bilər.